إحذر .. الزواج به سم قاتل
- يابنى نفسى أفرح بيك قبل ما أموت .
طبعا هذه هى الجملة المشئومة التى لابد أن تسمعها من والدتك بمجرد بلوغك سن الواحد والعشرين ، ولذلك سوف نحاول معا فى هذه السطور أن نجتنب هذه اللحظة التاريخية ، وبالتأكيد سوف تتاح لك الفرصة فور دخول الجامعة .. فهناك العرايس كتير
( على أفى مين يشيل ) ...
بطل بقى تتفرج عليا .. وتابع معايا السطور ألى جاية ..
***************
المرحلة الأولى : مرحلة التعارف ..
- يلا يابنى هتتأخر على الجامعة ..
ليست هذه العبارة الوحيدة التى سوف تسمعها ، وإنما سوف يليها العديد من الدعاوى .. لا لا .. ليست الدعاوى المعتاد عليها من الأم مثل :
( ربنا يوقفلك ولاد الحلال ) أو ( ربنا يجعلك فى كل خطوة سلامة ) ....
لا .. ليست هذه الدعاوى .. ( أنت قديم قوى يا راجل ) .. وإنما أصبحت دعاوى الأم كالأتى:
( ربنا يجعلك فى كل خطوة عروسة ) أو ( ربنا يحنن عليك قلوب بنات المدرج ) أو ( يارب تلاقى بنت الحلال ) ..
وكأنك ذاهب إلى خاطبة وليس إلى الجامعة ... !!
أخيرا وصلت إلى الجامعة .. هيا ، فلتدخل إلى المدرج متمنيا أن تجد الفتاة المناسبة ...
ها هى الفتاة ، هل تراها ؟ .. إنها تجلس هناك .. وحيدة .. حزينة .. وكأنها بصلة بمزرعة بنجر .. !
هيا تقدم إليها .. وأتبع التعليمات الأتية :
1- تأكد من أنها جميلة .. ( طبعا بالنسبة للغفر أللى هتشوفهم ) ..
2- أدخل عليها على طول – بلاش نحنحة – وأسألها أى سؤال ، وليكن مثلا :
- إحنا وصلنا لغاية فين فى الكتاب ؟
طبعا أنت مستغرب وهتقولى ( إحنا لسة أول يوم فى الدراسة ) ... !
يا راجل .. مبقتش تفرق .. هو حد واخد باله .. !!
3- بعد ما تسأل سؤالك ، توقع نوعين من ردود الأفعال :
الأول : سوف تتطلع إليك الفتاه فى غباء ، ومن الممكن أن تقول لك ( أنت عبيط ولا أيه )..
هذا النوع لا تتجادل معه ، فقط أتركه وأذهب ، لكن أطمن النوع ده أنقرض من زمان ... !
الثانى : ثوف تنظر إليك الفتاه بكل إهتمامها ، وكأنك ( توم كروز ) ، ثم تدعوك للجلوس وعلى شفتيها إبتسامة بلهاء .. بالطبع هذا هو النوع الذى نبحث عنه ، وهو أيضا النوع المنتشر بشدة ، كالذباب فى أى زريبة ... !!
4- بمجرد أن تجلس جوارها ، إبدأ فى الحديث ، أى حديث ، حتى لو كان عن حرب طروادة فى أفغانستان .. ! وإذا لم تبدأ أنت فى الحديث ، فلا تقلق ، سوف تتولى هى هذه المهمة ، وهنا ، تأكد أنها لن تصمت بسهولة...
5- بعد برهة ، ادعوها للخروج معك خارج المدرج ، ولا تقلق ، فسوف توافق على الفور وهى تقول تعليقات
مثل :
( أحسن برضو ، الجو هنا خنقة موووت ، أووووف ) أو ( على رأيك الدكتور ده شرحه بيئة خالص )
مع أنها أول مرة تدخل المدرج ، ومسمعتش ولا كلمة من الدكتور ، لأنها مبطلتش رغى .... !!!
6- لا تكن بخيلا .. أعزمها على طبق كشرى ، فالكشرى مفعولة سحرى فى هذه المرحلة ..
7- عندما تحاول الفتاه أن تدفع لك ثمن الكشرى ( أللى طفحتة ) لا تقبل بشدة ، مع إنها بالطبع عزومة مركبية...
8- أظهر لها أنك مهتم بكل كلمة هى تقولها ، أو أى حديث ، حتى لو كان هذا الحديث عن لون بلوزة صاحبة بنت ابن خالة عم خال جارتها .. !!
9- سوف تجدها تضحك بشدة على أى شئ تقولة أنت ، لذلك فلتكثر من نكاتك السخيفة .. ( هبل بقى بعيد عنك ) ... !!
10- أطلب منها رقم الموبايل ، هتدهولك بكل ترحاب ، وممكن كمان تديك نمرة البيت هدية .. !!
11- وصلنا إلى أهم خطوة .. يجب عليك توصيلها إلى المواصلة التى سوف تستقلها ، ( وبلاش تحاول تمسك إيدها فى المرحلة دى ، مع إنها هتكون عاوزة ده بشدة ) ، ولا تذهب إلا عندما تتأكد من ركوبها ، ولا تنسى الجملة السحرية :
- أبقى رنى عليا أول ما توصلى عشان أطمن عليكى ..
قال يعنى البت أول مرة تروح بيتها لوحدها .... !!!!
بكـــدة ... تكون ظبت المسائل يا معلم
************
المرحلة الثانية : مرحلة الإرتباط ..
نعم .. مرحلة الإرتباط وليست الخطوبة ، لا تخلط بين الأمرين ، فهذه المرحلة تسبق مرحلة الخطوبة ، وظهرت فى الألفية الجديدة ، وقريبا سوف تكون مرحلة رسمية لابد منها ..
فمثلا .. عندما تذهب لأهل الفتاه لكى تتزوجها ، سوف يكون أول سؤال من والدها :
- مرتبط بيها بقالك أد أيه ؟!!!
وإذا لم تكن قد ارتبطت بها ، سوف يحكم والدها بالتأجيل لإعادة الإعلان .. أقصد للإرتباط..!
ولكن لماذا ظهرت هذه المرحلة بالرغم من وجود مرحلة الخطوبة ؟
سوف نترك إجابة هذا السؤال للمرحلة القادمة .. مرحلة الخطوبة ، أما الأن سوف نستعرض بعض النصائح لهذه المرحلة .. مرحلة الإرتباط :
1- لكى تصل إلى هذه المرحلة ، يجب أن يمر على تعارفك بالفتاه مدة معقولة لا تزيد عن شهرين .. ( وإلا هتطير منك يا حلو ) ...
2- لكى ترتبط بالفتاه ، يجب أن تتقدم منها ، وتتطلع إلى عينيها مباشرة .. ( ومعلش أستحكل العماص ألى هتشوفة ) .. ثم قل لها بثقة – ومن غير نحنحة زى ما اتفقنا- :
- أنا بحبك يا بت ، وعاوز أرتبط بيكى ..
هنا .. من الممكن أن تجد نوعين من ردود الأفعال ...
الأول : سوف تنظر الفتاه إلى الأرض فى خجل – مصطنع بالطبع – وتقول :
- يوووه يا لطفى ، أنت فاجئتنى ، سيبنى أفكر شوية ..
وبعد خمس دقائق كاملة سوف يأتى لك الرد بالموافقة .... !!!
الثانى : سوف تبتسم لك الفتاه إبتسامة نصر ، وترفع حاجبها الأيسر ، وتقول بثقة – وكأنها شارلوك هولمز - :
- أنا كنت عارفة أنك بتحبنى ، ومستنياك تتكلم ..
وطبعا الحقيقة غير ذلك ، فهى تعتقد أنها أستطاعت أن توقعك بشباكها .. ( تعمل أيه بقى ، مخها على أدها ) .. ولكن على العموم النتيجة واحدة ، وهى الأرتباط ...
3- فى هذه المرحلة سوف تحاول الفتاه إثبات حبها لك ، ويكون ذلك غالبا عن طريق قولها :
- أنا أتقدملى ( 999999999 ) عريس لكن أنا مرضتش بيهم وأخترتك أنت ..
طيب يا فشارة هو أنتى كنتى عارفة أن هو هييجى عشان ترفضى كل دول ...!!!
على العموم متحاولش تكدبها ، لأنك لو كدبتها ، سوف تقسم لك مليون يمين وتزعل ، ولو زعلت ، جهز بقى يا حلو هدية عشان تصالحها ... ( وكع يا معلم ) ..
4- تليفونك المحمول يكون فيه رصيد على طول ، علشان مش هتكلم حد غيرها ، وهى مش هتبطل كلام معاك ، ولو عدى يوم واحد من غير ما تتصل بيها ، يبقى ليلتك سودة ...
5- لا تضع أسماء فتيات أخريات فى ذاكرة محمولك ، حتى لو كانت أختك ، أحسن هتفتكر أن فى علاقة بينك وبين أختك ... !!!
6- أجهز بهدية فى كل عيد ، أى عيد ، عيد ميلادها ، عيد الحب ، عيد الأضحى ، أو حتى عيد العمال أو عيد تحرير سيناء ...
7- أعمل نفسك بتغير عليها .. ( مع أنك عارف ان مفيش مغفل غيرك هيبصلها ) .. البنات بتحب الراجل الغيور ...
8- صَدْر نفسك فى أى مشكلة تخصها ، مش مهم أنك تحلها أو حتى تفهمها ، المهم تبين ليها أنك بطل ، وهى هتقتنع على طول أنك سوبر هيرووو ، أقوى من هركليز ... !!!
9- حاول تقول أسطوانات الحب المشروخة ، البنات بتبقى عارفة انها أسطوانات مشروخة ، لكن بالرغم من كدة بتكيفهم ..
10- طبعا هتكتر من الفسح والمقابلات .. المقابلات وليس القبلات .. ركز معايا ومتودنيش فى دهية ..
بكــدة .. أنت لفيت البت وحطيتها فى جيبك
*************
المرحلة الثالثة : مرحلة الخطوبة ..
بالطبع بعد 18 سنة ارتباط ، تأتى هذه المرحلة ، مرحلة الخطوبة ، ولهذه المرحلة نصائح أخرى :
1- تذهب أنت وعائلتك إلى أهل الفتاه ، ولا تفاجأ من الطلبات ، حيث من الممكن أن يطلب منك والد الفتاه الهرم الأكبر ليكون هو عش الزوجية ، ويجب أن يكون راتبك 20 ألف جنيه على الأقل ، أما الشبكة سوف تكون محل مجوهرات ، وطبعا متنساش السيارة هدية ... !!
طبعا طنش كل ده .. ( أسمع من ودن وفوت من التانية ) .. أنت مش رايح تتجوز نيكول كيدمان علشان تدفع كل دة .. دى بالكتير فردة شراب ...
2- متخليش حماتك هى أللى تجيب الشبكة ، ولا حتى عروستك ، تجيبها وتنقيها أنت بنفسك ، ومتزودش عن دبلتين ومحبس ، ويا ريت يكون دهب صينى !!!
خلاص .. تمت الخطوبة .. أشرب بقى يا حلو :
1- أكيد مدة الخطوبة هتبقى سنتين ، هى على طول بتبقى كدة ..
2- مش هتشوف خطيبتك غير يوم واحد فى الأسبوع ، وياريت هتشوفها كلها ، دا أنت هتشوف كما يقول الشرع .. الوجه والكفين ... !!!
3- يجب أن تكون كل زيارة لك بهدية ، حتى لو كيس جوافة ..
4- أوعى تفكر أنك تفسح خطيبتك أو تخرج معاها ، لأنك لو حاولت ، هتلاقى نفسك خارج مع خطيبتك ، وعائلتها ، وأقاربها ، وجيرانها ، وممكن كمان الشارع بتاعها كله ... !!!
علشان كدة بيقولوا .. إزاى تعرف إن البنت والواد ألى ماشيين مع بعض إذا كانوا مرتبطين ولا مخطوبين ؟
لو كانوا مرتبطين : هتلاقيهم ماشيين فى رومانسية ، وأيديهما متشابكة ...
أما لو كانوا مخطوبين : هتلاقيهم ماشيين وأيد كل واحد فيهم فى أيد أحمد أبن أختها ... !!!
** أكيد بكدة عرفت ، لماذا ظهرت مرحلة الإرتباط بالرغم من وجود مرحلة الخطوبة ؟
بذمــتك .. مش مرحلة الإرتباط كانت أحسن .. !!
************
المرحلة الرابعة : مرحلة الزواج ..
كان يا مكان فى سالف العصر والزمان ، كانوا بيقولوا ان الجواز مفيهوش غير شهر واحد ، وهو شهر العسل ، أما فى هذه الأيام ، فالزواج هو ليلة واحدة .. ليلة الدخلة .. ( دا إذا طلتها ) .. !!
ليــلة الدخــلة ..
تيجى بدل ما نتكلم كتير ، نشوف ليلة دخلة عباس على سعاد حصل فيها أيه ؟ .. يلا بينا...
** أخيرا الفرح أنتهى .. دخل عباس إلى غرفة النوم ومعه سعاد ، وفى رأسه العديد من الأفكار ، وكان فى قمة السعادة ، فأخيرا ، وبعد طول إنتظار ، هيعمل زى أللى كان بيشفهم فى الدش والكمبيوتر والدش و .. تييييييييييت ، معلش الرقابة منعت الباقى ، لكن أكيد الشباب فهم المقصود ، وممكن البنات كمان ، ما هو محدش ضامن حاجة اليومين دول ... !!!
تقدم عباس من سعاد ، وتطلع إلى عينيها قائلا :
- أخيرا أتقفل علينا باب واحد يا حبيبتى ..
قالت له وهى تبادله نظرة الحب :
- أنا جعانة يا عباس ...!
- جعاااانة ؟!! ، ما أنتى لسة واكلة حمامتين وديك رومى قبل الفرح ..
ثم يمسك يدها بحنية ...
- أه أه .. لأ لأ بلاش كده يا عباس .
- هو أنا لسة عملت حاجة يا بنت المجنونة ...!!
تبتعد سعاد ..
- أنا حاسة بغممان ، ونفسى فى سردين ..
- هو أنتى من النوع أللى بيخلف من لمسة إيد ؟!!
- يلا يا عباس .. بلاش هزار .. وروح جيبلى السردين بقى ..
عباس باكيا :
- أرجوكى ، خلى السردين لبكرة ، وأنا هجيبهولك من النجمة ، بس خلينا نعدى الليلة الهباب دى على خير ..
وبعد مداولات و حوارات ، وافقت سعاد على تأجيل السردين إلى يوم الغد ، ولكنها أشترطت على عباس أن يقوم بتغيير ملابسه فى الحمام .. وعندما خرج عباس من الحمام ، كاد أن يبكى من المنظر ..
حيث وجد سعاد فى ساااابع نومة ، فحاول جاهدا أن يوقظها بكل الطرق الشرعية وغير الشرعية دون جدوى ، فأشطاط غضبا وقال بصوت عالٍ :
- الله يخرب بيتك ، وبيت اليوم أللى شوفتك فيه ، ويلعن دى ليلة ... طيب روحى وأنتى طالق بالتلاتة ..
وبـــاظــــت اللــــــيلــة
ودى كانت التجربة الأولى للأخ عباس ، تيجوا بقى نشوف التجربة التانية .. عباس و عفاف .. يلا بينا ..
** أخيرا الفرح أنتهى ، دخل عباس إلى غرفة النوم ومعه عفاف ، وفى رأسه نفس الأفكار السابقة ...
تقدم عباس من عفاف ، وتطلع إلى عينيها قائلا :
- أخيرا أتقفل علينا باب واحد يا حبيبتى ..
جزبته عفاف من ياقة بذلتة ، وألقته على الفراش قائلة :
- يلا .. خلص بسرعة .. أنا مستعجلة ..
- مستعجلة ؟!! .. ليه ؟!! .. هو فى عرسان تانية حجزاكى أنهاردة ؟!!
- يلا يا حبيبى أخلص .. هو كل واحد هييجى لازم يتنحنحلى شوية ..
- أيــه ؟!! .. كل واحد يجيلك ؟!! .. ليه ؟!! .. هو أنتى فاتحة مدرسة ؟!!
- أنت العريس الـ 11 يا روح أمك ..
- يعنى عاملة فريق كورة ..
- ومستنيه الإحتياطى هع هع هع ...
قفز عباس من على الفراش ، وأفلت منها بإعجوبة هاربا من الشقة ..
وبـــاظـــت اللـــــيلــــة
ومما سبق ، وجدنا أن الطريقة المثلى لكى تتخطى هذه الليلة بنجاح ، وبدون مشاكل هى .. الإغتصــــاب .
بذمــتك .. مش مرحلة الإرتباط كانت أحسن .. !!
*************
المرحلة الخامسة : مرحلة الطلاق ..
إذا مرت ليلة الدخلة على خير ، من الممكن أن تنعم بإسبوعا كاملا سعيدا ، ثم بعد ذلك سوف يتغير الحال 360 درجة ...
1- سوف تستيقظ فى الصباح لتجد مخلوقا عجيبا نائما بجوارك ، مما سوف يعجل بإصابتك بمرض الصرع ..
2- سوف تجد بدلا من زوجتك أمرأة أخرى تشبهها ، ولكنها أكبر حجما بكثير .. لا ليست حامل .. وإنما عند سؤالها عن سبب هذه الزيادة فى الوزن والحجم ، سوف تجيبك قائلة :
- معلش يا حبيبى ، أصل عوامل التعرية والمد و الجزر وغيرة ، كل ده بيأثر على رشاقة المرأة .. !!
وكأنك متجوز باب خشب مش واحدة ست .. !!!!
3- بعد ذلك تأتى الكارثة ، وهى كثرة الطلبات .. سوف تجد حافظة نقودك فارغة طوال الشهر ، وعمال تمضى شيكات وكمبيالات يا معلم ...
طبعا الحل الأمثل لكل هذا ، هو الإنفصال ، ولا تقوم أنت بتطليقها ، فالطلاق مكلف هذه الأيام ، أتركها تخلعك ..
ولكى تجبرها على القيام بهذه الخطوة ، أتبع التعليمات الأتية :
1- أجلس دائما فى البيت ، ولا تذهب إلى العمل .. طبعا ما عدا يوم الخميس ..
2- يوم الخميس بات برة البيت .. ولو سألت والدك هينصحك بنفس النصيحة ..
3- أطلب منها كل دقيقة كوباية شاى ..
4- أجعل جميع هداياك من نوعية ( أولووز بالــ....... تييييييييييت ) .. يادى أم الرقابة ...
5- أما الطريقة المضمونة 100% هى أن تمتنع عن الإنفاق عليها ، أو .......
أعمل نفسك مبتعـــرفــش ...!!!!!!
بذمــتك .. مش مرحلة الإرتباط كانت أحسن .. !!
***********
المرحلة السادسة : مرحلة الوفاة ..
طبعا بعد كل ما مررت به من أهوال ، سوف تصاب بالعديد من الأمراض ، كالصرع ، الحمى ، تصلب الشرايين ، العته ، الجنون ، جميع أنواع الشلل ، وغيرها من الأمراض المذمنة ..
ومن الطبيعى – كأى إنسان عادى – سوف تكون نهايتك الطبيعية هى الوفاة ..
أما إذا كنت من زوى الأعصاب الشديدة ، فنهايتك سوف تختلف قليلا ، وتنال شرف دخول السرايا الصفرة ..
وبكــدة .. نكون وصلنا إلى نهاية حياتنا ..
أقصد قصــــــتنــــــــــا ..
ونلتقى بالجنازة بإذن اللـــــــــه ..
تمــــت بحمــد اللــــــه
